"Milan" navbatdagi o‘yin oldidan jiddiy yo‘qotishga uchradi
Italiyaning "Milan" klubi Chempionlar ligasi guruh bosqichida Serbiyaning "Srvena Zvezda" jamoasiga qarshi o‘yinda ikki futbolchisini jarohatlanganini ma’lum qildi. Jarohatlanganlar orasida ispaniyalik forvard Alvaro Morata ham bor edi.
Endi ma’lum bo‘lishicha, Morata Italiya klubining "Verona"ga qarshi navbatdagi o‘yinida maydonga tushmaydi. U Veronaga safar oldidan so‘nggi mashg‘ulotni o‘tkazib yubordi va shu bois jamoa qaydnomasiga kiritilmaydi.
"Milan" hozirda A Seriya jadvalida sakkizinchi o‘rinni egallab turibdi va juma kuni "Verona" bilan o‘ynaydi.
