Mbappe terma jamoaning ayrim o‘yinlarini o‘tkazib yuborishga tayyor

Hujumchi Kilian Mbappe vatani Fransiyada tanqidlarning yangi to‘lqiniga duch kelishi mumkin.

Foot Mercato xabariga ko‘ra, Mbappe faqat terma jamoaning muhim o‘yinlarida maydonga tushishni istaydi.

Mbappening pozisiyasi jarohat olish ehtimolini kamaytirish istagidan kelib chiqadi. Gap shundaki, Kilian 2025 yilda “Oltin to‘p”ni qo‘lga kiritishga ahd qilgan.

Buning uchun u doimiy ravishda yuqori saviyali o‘yin ko‘rsatishi va klubida muvaffaqiyatga erishishi kerak. Bu yil "Oltin to‘p" 28 oktyabr kuni topshiriladi.