Bellingem La Ligada ketma-ket 6-turda gol urdi. U Benzema va Ronaldu natijasini takrorladi

Jud Bellingem La Ligadagi ketma-ket oltinchi uchrashuvida gol urdi.

Madridning "Real" klubi yarim himoyachisi 17-turda "Rayo Valyekano"ga qarshi o‘yinning 45-daqiqasida hisobni tenglashtirdi. Rodrigo unga assist berdi.

Angliyalik futbolchi avvalroq "Osasuna", "Leganes", "Xetafe", "Atletik" va "Jirona" darvozasiga gol urgandi.

"Real Madrid" safida bunday seriyaga ega bo‘lgan oxirgi futbolchi Karim Benzema bo‘ldi. 2016 yilda u ketma-ket oltita o‘yinda gol urdi. Undan oldin Krishtianu Ronaldu ham shunga o‘xshash natijaga erishgan (2014 yilda).