Kompani Jamol Musiala va Florian Virsni taqqoslash haqidagi savolga javob berdi
"Bavariya" bosh murabbiyi Vensan Kompani o‘z futbolchisi Jamol Musialani "Bayer" futbolchisi Florian Virs bilan solishtirishdan bosh tortdi.
"Ularni faqat Yulian Nagelsmann solishtirishi mumkin, chunki ular terma jamoada birga. Menga kelsak, Musialani afzal bilaman. Lekin, Virs ham ajoyib futbolchi.
Jamol nimaga qodirligini ko‘rsatdi va faqat yaxshilanadi. Ikkalasining ham Germaniya terma jamoasida o‘ynashi Germaniya uchun yoqimli", - deya Kompani so‘zlarini keltiradi Bayern & Germany.
