Amorim "Manchester Yunayted" qanday yaxshilanayotganini aytdi
"Manchester Yunayted" bosh murabbiyi Ruben Amorim jamoadagi o‘zgarishlar haqidagi savolga javob berdi.
Payshanba kuni "qizil iblislar" Yevropa Ligasi doirasida "Viktoriya Plzen"ga qarshi safarda g‘alaba qozondi (2:1). Ikkinchi bo‘lim boshida maydon egalari birinchi bo‘lib gol urishdi, ammo mankunianliklar Rasmus Xyoylunning ikkita goli bilan javob qaytarishdi.
"Biz ba’zi jihatlarda yaxshilanmoqdamiz. Biz bugun qarshi hujumlarni juda yaxshi nazorat qildik - to‘pni yo‘qotib qo‘yganimizda agressiv edik. Ammo biz raqib darvozasi oldida ko‘proq vaqt sarflashimiz kerak", dedi noyabr oyida "Yunayted" bosh murabbiyi lavozimini egallagan Amorim TNT Sports nashriga.
