«Atletik Bilbao»ni ham eplab bo‘lmay qoldi!

Yevropa ligasining umumiy bosqichi doirasidagi o‘yinda «Atletik» «Fenerbaxche»ni mag‘lub etdi (2:0).

Jamoa barcha turnirlarda qatorasiga 6-g‘alabasini qo‘lga kiritdi. Mag‘lubiyatsiz seriya 12 ta o‘yinga yetdi.

Oxirgi marta «Atletik» 6 oktyabr kuni La Liga doirasida «Jirona»ga yutqazgan (1:2).

Ushbu g‘alabadan so‘ng «Atletik» Yevropa ligasining asosiy bosqichida birinchi o‘rinni egallab turibdi. Jamoa 16 ochko to‘pladi - 5 g‘alaba va 1 durang.