PFA talqiniga ko‘ra Saloh noyabr oyining eng yaxshi futbolchisi bo‘ldi

"Liverpul" hujumchisi Muhammad Saloh Professional futbolchilar assosiasiyasi (PFA) talqiniga ko‘ra, noyabr oyida Angliya Premyer-ligasining eng yaxshi futbolchisi deb topildi. Ovoz berishda qatnashgan muxlislar shunday qarorga kelishdi.

Sovrin uchun boshqa da’vogarlar Moyzes Kaysedo («Chelsi»), Mateus Kunya va Joau Gomes («Vulverxempton»), Jeyms Meddison («Tottenhem») va Joau Pedro («Brayton») edi.

Noyabr oyida Muhammad Saloh APLning uchta uchrashuvida qatnashib, 4 ta gol urdi va 1 ta golli uzatmani amalga oshirdi.