FA "Nottingem Forest"ni ijtimoiy tarmoqlarda hakamlikni tanqid qilgani uchun 750 ming funt jarimaga tortdi
Futbol Assosiasiyasi "Nottingem"ni ijtimoiy tarmoqlarda hakamlikni tanqid qilgani uchun 750 ming funt jarimaga tortdi.
21 aprel kuni bo‘lib o‘tgan APLning 34-tur uchrashuvida "Nottingem Forest" "Everton"ga 0:2 hisobida imkoniyatni boy berdi. Uchrashuvni Entoni Teylor boshchiligidagi hakamlar brigadasi boshqarib, Styuart Atvell VAR sifatida ishladi.
O‘yindan so‘ng klubning ijtimoiy tarmoqlarida uchta belgilanmagan penalti bo‘yicha kelishmovchiliklar haqida xabar paydo bo‘ldi.
Angliya futbol assosiasiyasining ma’lum qilishicha, mustaqil tartibga solish komissiyasi tinglov o‘tkazib, "Nottingem"ning xatti-harakatlarini qonunga xilof deb topdi va shu sababli klubga nisbatan sanksiyalar qo‘lladi.
