Lopetegi: "Biz vaziyatni tuzatmoqchimiz"

Mish-mishlarga ko‘ra, Xulen Lopetegi tez orada "Vest Xem" bosh murabbiyligidan bo‘shatilishi mumkin.

Klub rahbarlari natijalardan norozi - jamoa Premyer-liga turnir jadvalida atigi 14-o‘rinni egallab turibdi.

Mish-mishlar fonida Lopetegi "bolg‘achilar" muxlislariga murojaat qildi.

“Avvalo, qo‘llab-quvvatlaganingiz uchun rahmat. Ikkinchidan, biz vaziyatni tuzatmoqchimiz. Ishonchim komilki, muxlislar jamoani qo‘llab-quvvatlashlari uchun ularga hech qanday bahona kerak emas.

Muxlislar biz bilan qolishadi, ularning qo‘llab-quvvatlashi bizga ijobiy ta’sir ko‘rsatadi", - dedi Lopetegi matbuot anjumanida.