O‘zbekiston futzal milliy jamoasi FIFA reytingida keskin pastladi

FIFA tashkiloti futzal terma jamoalarining yangilangan reytingini e’lon qildi.

Unga ko‘ra Toshkentda o‘tkazilgan Jahon chempionati g‘olibligini qo‘lga kiritgan Braziliya termasi peshqadamlikni saqlab turibdi. Portugaliya termasi ikkinchi o‘rinda qayd etilgan bo‘lsa, kuchli uchlikni finalda mag‘lub bo‘lgan Argentina termasi egallab turibdi.

Qo‘shni Qozog‘iston termasi 3 pog‘ona yuqorilab jahon reytingida 5-o‘rinda qayd etildi.

O‘zbekiston milliy jamoasi Jahon chempionatida muvaffaqiyatsiz qatnashib, guruhdan chiqa olmadi. Bu esa mezbonlarning reytingda 10 pog‘ona pastlashiga sabab bo‘ldi. Jamoa hozirda jahonda 21-o‘rinda, Osiyoda esa 4-o‘rinda qayd etildi.

Terma jamoadan 100 koeffisiyent ochkolar olib tashlangan.