Mahrez nima uchun "Al Ahli"da "Siti"dan ko‘ra yomonroq o‘ynashini aytdi

Jazoirlik "Al-Ahli" vingeri "Manchester Siti"dan kelganidan so‘ng debyut mavsumida 12 ta gol urdi. U joriy mavsumda bor-yo‘g‘i 3 marta gol urdi va uning jamoasi Saudiya Arabistoni Pro ligasida chempionat peshqadami “Al-Ittihod”dan 13 ochko ortda qolib, oltinchi o‘rinni egallab turibdi.

Kecha bo‘lib o‘tgan Osiyo Chempionlar ligasi doirasidagi "Istiqlol"ga (2:2) qarshi o‘yinda Mahrez gol ura olmaganidan so‘ng, undan nega "Manchester Siti"dagidek saviyada o‘ynamayotgani haqida so‘rashdi.

"Birodar, siz “Manchester Siti” va bu joyni solishtira olmaysiz. Bu yerda muhimi butun jamoa yaxshi o‘ynayapti.

Men jamoaviy o‘yinchiman, men Messi emasman. Men to‘pni olib, hammani aldab gol ura olmayman. Jamoa yaxshi o‘ynasa, men ham yaxshi o‘ynayman. Tushundingmi?" — deb javob berdi 33 yoshli Mahrez.