Pau Viktor: "Dunyoning eng yaxshi hujumchisi bilan raqobat qilish qiyin"
"Barselona" hujumchisi Pau Viktor Robert Levandovski bilan raqobat haqida gapirdi. 23 yoshli futbolchi “Malyorka”ga qarshi o‘yinning 73-daqiqasida zaxiradan maydonga tushgan bo‘lsa, 84-daqiqada yakuniy natijani tabloga o‘rnatdi – 5:1.
La Liga to‘purarlari poygasida 15 ta gol bilan peshqadamlik qilayotgan yulduz Levandovski kutilmaganda zaxirada qoldi.
"Dunyoning eng yaxshi hujumchisi bilan raqobatlashayotganda o‘yinga vaqt topish qiyin. Ammo men Robertdan o‘rganishga va menga berilgan imkoniyatlardan foydalanishga harakat qilaman", - deydi ispaniyalik futbolchi.
