Grilish Messi va Ronaldu o‘rtasida tanlov qildi

"Manchester Siti" yarim himoyachisi Jek Grilish zamonaviy futbolning ikki asosiy yulduzidan qaysi birini yuqoriroq baholashini aytdi.

“Menga qarshi o‘ynagan eng yaxshi futbolchi? Messi. Bu mening "Manchester Siti"dagi birinchi mavsumim edi, u "PSJ"da o‘ynagan payt. U bilan bir maydonda bo‘lish yoqimli edi. Messi yoki Ronaldu? Messi", - dedi Grilish.

Lionel Messi 2023 yilning yozida "PSJ"ni tark etib, "Inter Mayami"ga o‘tgan edi.