Fonseka - "Sassuolo" bilan kubok o‘yini haqida: "Bu A Seriya darajasidagi jamoa"
"Milan" bosh murabbiyi Paulu Fonseka kubok o‘yini oldidan "Sassuolo" haqida maqtovli fikr bildirdi.
"Milan" ko‘pdan beri Italiya kubogini qo‘lga kiritmagandi, biz ambisiyali bo‘lishimiz kerak, lekin juda uzoqqa qarab bo‘lmaydi, ertagi o‘yinga e’tibor qaratish muhim.
Men uchun "Sassuolo" - bu B Seriya darajasidagi jamoa emas. Ularning yuqori ligada o‘ynagan ko‘plab futbolchilari bor, bu faqat Berardiga taalluqli emas. Ular o‘tgan bosqichda "Lechche"ni shunchaki 2:0 hisobida mag‘lub etishgani yo‘q, biz ularni o‘rganib chiqdik.
Men futbolchilarga A Seriya darajasidagi jamoaga qarshi murakkab o‘yin kutayotganini aytdim," - deya "Milan" murabbiyi so‘zlaridan Football Italia iqtibos keltiradi.
