APL. 7 ta gol urilgan London derbisida «Arsenal» g‘alaba qozondi (videosharh)
30 noyabr kuni bo‘lib o‘tgan "Vest Xem" va "Arsenal" uchrashuvi haqiqiy gollar "yomg‘iri" bilan yodda qoldi. London derbisida "Arsenal" raqibini 5:2 hisobida mag‘lubiyatga uchratdi.
O‘yinning dastlabki 10-daqiqasida Bukayo Sakaning uzatmasini Gabriel Magalyayes golga aylantirib, hisobni ochdi. 27-daqiqada Saka yana assistent sifatida qaydnomadan o‘rin oldi. Uning uzatmasidan keyin Leandro Trossard darvozani ishg‘ol qildi. Keyingi gollardan birini 34-daqiqada Martin Edegor penaltidan kiritgan bo‘lsa, oradan atigi 2 daqiqa o‘tib Kay Xavers hisobni 0:4 ko‘rinishga keltirib qo‘ydi.
38-daqiqada maydon egalari himoyachisi Aaron Uan-Bissaka bir gol bilan javob qaytargan bo‘lsa, 40-daqiqada esa "boltachilar"ning yana bir himoyachisi Emerson gol urdi. Birinchi bo‘limga qo‘shilgan 5-daqiqada penaltidan Saka gol kiritdi.
"Arsenal" 25 ochko to‘plab, hozirda turnir jadvalida ikkinchi o‘rinda bormoqda. "Vest Hem" esa 15 ochko bilan 14-o‘rinda joylashgan.
APL, 13-tur
Vest Xem – Arsenal 2:5 (2:5, 0:0)
Gollar: 0:1 – 10 Gabriel, 0:2 – 27 Trossard, 0:3 – 34, penalti Edegor, 0:4 – 36 Xaverts, 1:4 – 38 Uan-Bissaka, 2:4 – 40 Emerson, 2:5 – 45+5, penalti Saka.
Vest Xem – Fabianski, Emerson (Soufal, 65), Kilmen, Todibo, Uan-Bissaka, Lukas Paketa (Rodriges, 78), Souchek, Sammervill (Alvares, 46), Soler (Irving, 78), Bouen, Antonio (Ingz, 65).
Arsenal – Rayya, Kalafyori (Zinchenko, 56), Gabriel (Kiver, 46), Saliba, Timber, Rays, Jorjinyo, Edegor (Gabriel Jezus, 74), Trossard (Nvaneri, 85), Xaverts, Saka (Sterling, 74).
Ogohlantirishlar: Emerson (42), Saka (42), Sammervill (45+1), Fabianski (45+3), Souchek (90+4).
