APL. «Chelsi» - «Arsenal» o‘yinida durang qayd etildi
Angliya chempionatining 11-turi doirasida markaziy o‘yin bo‘lib o‘tdi. «Chelsi» va «Arsenal» klublari o‘rtasidagi London derbisida durang qayd etildi (1:1).
Uchrashuvning 32-daqiqasida Kay Xaverts gol urgandi, ammo ofsayd tufayli u bekor qilindi. 60-daqiqada esa Martin Edegorning uzatmasidan keyin Gabriel Martinelli hisobni ochdi.
Oradan 10 daqiqa o‘tib esa Pedru Netu hisobni tenglashtirdi. Unga Enso Fernandes uzatma berdi.
Ushbu durang natija o‘yin oxirigacha o‘zgarmay qoldi. Bugungi bahsdan keyin jamoalarning ochkolari 19 taga yetdi va ular jadvalda 3 va 4-o‘rinni egallab turibdi.
APL, 11-tur
Chelsi – Arsenal 1:1 (0:0, 1:1)
Gollar: 0:1 – 60 Martinelli, 1:1 – 70 Netu.
Chelsi – Sanches, Kukurelya, Koluill, Fofana, Gyusto (Djeyms, 82), Laviya (Fernandes, 68), Kaysedo, Palmer, Netu, Madueke (Mudrik, 68), Djekson (Nkunku, 88).
Arsenal – Rayya, Timber, Gabriel, Saliba, Uayt, Rays (Merino, 71), Parti, Edegor, Xaverts, Martinelli (Trossard, 71), Saka (Gabriel Jezus, 81).
Ogohlantirishlar: Koluill (21), Netu (33), Uayt (39), Madueke (45+1), Xaverts (56), Kukurelya (80).
