Kichik Simeone Premyer-liga klubiga o‘tishi mumkin

Hujumchi Jovanni Simeone faoliyatini Angliya chempionatida davom ettirishi mumkin. Football Transfer xabariga ko‘ra, Londonning "Vest Xem" klubi 29 yoshli Simeonening yanvar oyidagi ehtimoliy transferi borasida "Napoli" bilan bog‘langan.

Jovanni Simeone "Atletiko Madrid" bosh murabbiyi Diyego Simeonening o‘g‘lidir. 2024/2025 yilgi mavsumda forvard “Napoli” safida 13 ta rasmiy o‘yin o‘tkazib, bitta gol urdi va sherigiga golli uzatma berdi.

Nufuzli Transfermarkt portali mutaxassislari Jovanni Simeoneni 10 million yevroga baholamoqda. Forvard Argentina terma jamoasida oltita o‘yin o‘tkazgan.