"Barselona" "Ayaks" himoyachisi uchun "Liverpul" bilan raqobatlashadi

"Barselona" "Ayaks"ning 21 yoshli o‘ng qanot himoyachisi Devayn Renshga qiziqish bildirmoqda. Bu haqda Sport.es xabar bermoqda.

Manba bergan xabarga ko‘ra, "ko‘k-anorranglilar" bosh murabbiyi Xans-Diter Flik jamoada himoyada yetarlicha o‘yinchi yo‘q, deb hisoblamoqda. Shu bilan birga, "Barselona" Jyul Kundening o‘ng qanot himoyachisi sifatidagi o‘yinini shubha ostiga qo‘ymaydi.

Qayd etilishicha, ayni damda Niderlandiya grandi bilan shartnomasi kelasi yozda tugaydigan Rensh bilan shartnoma imzolash borasida yakuniy qaror qabul qilinmagan. "Liverpul" va "Tottenxem" ham himoyachiga ko‘z tikmoqda, "Ayaks"ning o‘zi esa futbolchiga shartnomani uzaytirish taklifi bilan chiqdi.