Kandela: "Safonov allaqachon "PSJ"da Donnarumma bilan raqobatda g‘alaba qozonmoqda"

Fransiya terma jamoasining sobiq himoyachisi Vensan Kandela rossiyalik darvozabon Matvey Safonov va italiyalik posbon Janluidji Donnarumma o‘rtasidagi parijliklarning asosiy tarkibi uchun kurash haqida gapirdi.

"Safonov allaqachon "PSJ"da Donnarumma bilan raqobatda g‘alaba qozonmoqda. Matveyni Fransiyada juda qadrlashadi, hamma rossiyalik darvozabonning saviyasini yuqori baholaydi. Biroq, Janluidji katta tajribaga ega va uni zaxira o‘rindig‘iga qo‘yish unchalik oson emas. Ammo yana ko‘p narsa murabbiyning qarashlariga bog‘liq", - deya Kandel so‘zlarini keltiradi RB Sport.

Joriy mavsumda Safonov barcha turnirlarda to‘rtta o‘yinda qatnashib, ikkitasida gol o‘tkazib yubormadi.