Spaletti Belgiyaning bugungi saviyasi haqida fikr bildirdi

Italiya terma jamoasi bosh murabbiyi Luchano Spalletti Belgiya terma jamoasining hozirgi saviyasi haqida gapirdi.

"Belgiya terma jamoasi safida Yevropaning eng yaxshi klublarida to‘p suradigan futbolchilar bor. Asosiy xavf belgiyalik hujumkor futbolchilarning tezligida. Men murabbiyni (Domeniko Tedesko) yaxshi bilaman, menimcha, u zo‘r mutaxassis. Belgiya FIFA reytingida oltinchi o‘rinni egallab turibdi, diqqatimizni jamlashimiz va kuchli raqib bilan kurashayotganimizni anglab olishimiz kerak", - dedi Spaletti matbuot anjumanida.