Alisson 2 oy davomida o‘tkazib yuboradigan o‘yinlar ro‘yxati ma’lum bo‘ldi

«Liverpul» va Braziliya terma jamoasi darvozaboni Alisson Bekker ikki oyga safdan chiqdi, deya xabar bermoqda Fabrisio Romano ijtimoiy tarmoqlarda.

Insayderning so‘zlariga ko‘ra, braziliyalik futbolchi maydonga qaytishi mumkin, ehtimol noyabr oyidagi navbatdagi xalqaro tanaffusdan oldin. 32 yoshli futbolchi APL 7-turidan o‘rin olgan «Kristal Pelas»ga (1:0) qarshi o‘yinda jarohat olgani sababli 6 haftaga safdan chiqdi.

Alisson «Liverpul»ning Angliya chempionatida «Chelsi», «Arsenal», «Brayton» va «Aston Villa»ga qarshi o‘yinlarini, shuningdek, Chempionlar ligasi doirasida «Leypsig» va «Bayer»ga qarshi uchrashuvlarni o‘tkazib yuboradi.