«Arsenal» hujumchisi «Atletiko»ga o‘tishi mumkin

«Arsenal» hujumchisi Gabriel Jezus faoliyatini Ispaniya chempionatida davom ettirishi mumkin. Bu haqda «Todofichajes» portali sahifalarida xabar berilgan.

Manbaga ko‘ra, braziliyalik hujumchining transferidan «Atletiko» manfaatdor. Gabrielning transfer qiymati 55 million yevroga baholanmoqda va uning «to‘pchilar» bilan mehnat shartnomasi 2027 yil iyun oyi oxirigacha mo‘ljallangan.

Angliya Premyer-ligasining joriy mavsumida Jesus to‘qqizta o‘yinda maydonga tushdi, ammo gol urmadi.