Leau: "Mukammal futbolchi emasligimni bilaman"
"Milan" hujumchisi Rafael Leau o‘ziga nisbatan bildirilgan tanqidlar haqida gapirdi.
O‘tgan haftada portugaliyalik futbolchi Chempionlar ligasida "Real"ga qarshi ajoyib o‘yin o‘tkazdi, ammo keyingi salbiy izohlardan qochib qutulmadi.
Afsonaviy "rossonerilar"ning sobiq himoyachisi, hozirda televideniye eksperti bo‘lib ishlayotgan Alessandro Kostakurta Leauni faqat muhim o‘yinlardagina bor kuchini berishda aybladi.
"Albatta, men bu fikrga qo‘shilmayman. Men “Milan”da ajoyib mavsum o‘tkazdim, ammo boshqalar kabi mening ham o‘z muammolarim bor edi.
Yangi mavsum endigina boshlandi. Qarang, men mukammal futbolchi emasligimni bilaman, ba’zida chindan ham yaxshiroq o‘ynashim kerak. Men tanqidlardan hayratda emasman.
Meni yaxshilanishga yordam beradigan odamlar qurshab olishadi va ular men tinglashim kerak bo‘lgan insonlardir", - deya Leauning so‘zlaridan iqtibos keltiradi Football Italia.
