Chalxano‘g‘li ilk bor "Inter" safida penaltidan gol urolmadi

"Napoli"ga qarshi o‘yinda Hakan Chalxano‘g‘li penaltidan foydalana olmadi.

A Seriya 12-turining 72-daqiqasida Denzel Dumfrisga nisbatan Andre-Frank Zambo-Angissa jarima maydonchasi ichida qo‘pollik qilganidan so‘ng, "Inter" foydasiga penalti belgilandi.

Chalxano‘g‘li "Napoli" darvozasi ustuniga zarba berib, nuqtadan gol ura olmadi. Qayd etish kerakki, "Inter" yarim himoyachisi "neradzurrilar" safida o‘ynagan vaqtida birinchi marta penaltidan foydalana olmadi – bungacha u 19 urinishning barchasini golga aylantirgandi.