Messi kamdan kam kuzatiladigan holatni qayd etdi
"Inter Mayami" - "Atlanta Yunayted" uchrashuvida Lionel Messi o‘zi uchun noodatiy tarzda - boshi bilan darvozani ishg‘ol qildi.
Umuman olganda, argentinalik futbolchi faoliyati davomida boshi bilan 28 ta gol urgan. 37 yoshli futbolchi 850 marta raqiblar darvozasini ishg‘ol qilgan.
Forvard gollarining atigi 3,3 foizi ikkinchi qavatdan kiritilgan. Lionel Messi joriy mavsum klubdagi faoliyatini 25 o‘yinda 23 ta gol bilan yakunladi. "Barselona" va "PSJ"ning sobiq futbolchisi uchun bu "Inter Mayami"dagi ikkinchi mavsumi edi.
