"Real" 2025 yilda transferlar bilan mustahkamlanishini kutayotgan ikkita pozisiya ma’lum bo‘ldi
"Real Madrid" markaziy va o‘ng qanot himoyachisini sotib olishni rejalashtirmoqda. Bu haqda jurnalist va insayder Fabrisio Romano o‘zining YouTube kanalidagi podkastida xabar beradi.
Manbaga ko‘ra, "Los Blankos" transfer bozorida yanvarda ham, yozda ham faol bo‘ladi. Qayd etilishicha, qishki transfer oynasidagi ustuvor maqsad nomi tilga olinmagan markaziy himoyachi hisoblanadi.
Avvalroq "Real" Anchelotti jamoasining natijalarini yaxshilamasa, uni iste’foga chiqarish imkoniyatini ko‘rib chiqayotgani haqida xabar berilgandi. Italiyalik mutaxassis o‘rniga asosiy nomzod "Bayer" ustozi Xabi Alonso sifatida ko‘rilmoqda.
