Romano: "Vinisiusning "Chelsi" yoki "Manchester Yunayted" bilan aloqalari haqiqatga to‘g‘ri kelmaydi"

Mashhur futbol insayderi Fabrisio Romanoning aytishicha, ayni damda "Real Madrid" va Braziliya terma jamoasi hujumchisi Vinisius Junior va Yevropa futbol klublari o‘rtasida hech qanday aloqa yo‘q.

"So‘nggi kunlarda sizlardan ko‘p xabarlar oldim, masalan: Fabrisio, uning Saudiya Arabistoniga ketayotgani rostmi, uni "Chelsi", "Manchester Yunayted", "PSJ" bilan bog‘lashayotgani rostmi?

Bolalar, butun dunyo klublari Vinisiusni qadrlashi mutlaqo normal holat. U fantastik, aqldan ozgan futbolchi. Demak, bu mutlaqo normal holat, ammo kafolat bera olamanki, bugungi kunda Vinisiusning "Chelsi", "PSJ" va "Manchester Yunayted" bilan aloqalari mutlaqo real emas", - deya Fabrisio so‘zlarini keltiradi TEAMtalk.