"Real Madrid" Ronaldu, Bekxem va Zidan ishlatgan shkaflarni sotadi

"Real Madrid"ning "Santyago Bernabeu" stadioni yaqinda ta’mirdan chiqarildi. Endi Madrid klubi eski jihozlarning bir qismini kimoshdi savdosida sotmoqchi.

Lotlar orasida Krishtianu Ronaldu, Devid Bekxem, Zinedin Zidan, Serxio Ramos, Karim Benzema va Luka Modrich kabi afsonalar tomonidan foydalanilgan 24 ta shkafdan iborat kolleksiya bor. Shkaflarning boshlang‘ich narxi 10 ming funt sterlingni tashkil etadi, deb yozadi Goal portali. Tender savdolari 12 noyabrda boshlanadi.

To‘plamda "Real Madrid" gerbi tushirilgan mozaika ham bor, uning boshlang‘ich narxi 12 ming funt. Kimoshdi savdosida avval stadionda turgan metall eshiklar ham sotiladi.