Pedri «Barselona»ning muvaffaqiyatini tushuntirdi

«Barselona» yarim himoyachisi Pedri jamoa bu mavsumda nima uchun muvaffaqiyat qozonayotganini tushuntirib berdi.

Yakshanba kuni «ko‘k-anorranglilar» o‘z maydonida azaliy raqibi «Espanyol»ni (3:1) mag‘lub etib, navbatdagi g‘alabaga erishdi.

«Biz shiddatli futbol o‘ynaymiz va himoya chizig‘imiz ajoyib ishni bajaradi. Biz to‘pga ega bo‘lganimizda va o‘yinni nazorat qilganimizda ko‘p gol urishimiz mumkin.

Bizning hujumkor o‘yinchilarimiz - Yamal, Rafinya, Levandovski va Olmo - ularga to‘p berganingda hammasini o‘zlari hal qilishlari mumkin», - dedi Pedri o‘yindan keyingi intervyuda.