De Yong "Barsa" asosiy tarkibiga qaytadi

"Barselona" yarim himoyachisi Frenki de Yong uzoq vaqtdan buyon ilk bor asosiy tarkibda maydonga tushishga tayyorgarlik ko‘rmoqda.

Niderlandiyalik futbolchi to‘pig‘idan olgan jarohati tufayli apreldan sentabrgacha maydonga tushmagan va oktyabr oyidagi o‘yinlarda u faqat zaxira o‘yinida maydonga tushgandi. Diario Sport xabariga ko‘ra, Xans-Diter Flik yakshanba kuni bo‘lib o‘tadigan La Liganing "Espanyol"ga qarshi o‘yinida yarim himoyachini birinchi daqiqalardan boshlab maydonga tushirish niyatida. 27 yoshli futbolchi uchun bu uning olti oydan ko‘proq vaqt ichida - 21 apreldan beri ilk asosiy tarkibda maydonga tushgan o‘yini bo‘ladi.

Frenki de Yong ushbu mavsumda "Blaugrana"ning to‘rtta o‘yinida qatnashib, jami 100 daqiqani maydonda o‘tkazdi.