Karrager: "Arteta Mourinyoga aylanmoqda"

Jeymi Karrager nima uchun Mikel Arteta Joze Mourinyoga aylanayotganini tushuntirdi.

"Bu tanqid emas, balki "Arsenal" qanday jamoa ekanligini kuzatish. Balki bu Arteta o‘zining hujumkor o‘yinchilariga qarab: "Biz "Man Siti" kabi yaxshi emasmiz, shuning uchun biz eng yaxshi himoyaga ega jamoa bo‘lib, Premyer-ligada g‘alaba qozonishimiz kerak" deb o‘ylagandir. Ular o‘tgan mavsumda aynan shunday ko‘rinishga ega edilar va, ehtimol, hali ham shundayligicha qolmoqda.

Ammo "Arsenal" ajoyib futbol o‘ynayapti va Arteta Gvardiolaning odami degan fikr noto‘g‘ri. Bugun qaysi futbolchilar o‘ynashi o‘yin boshlangunga qadar ham ma’lum emasdi, bularning barchasi Mourinyoning uslubidir", - dedi “Liverpul”ning sobiq himoyachisi.