"Inter" "Yuventus"ga 5 o‘yindan buyon mag‘lub bo‘lmayapti

"Yuventus" "Inter"ni besh o‘yindan beri mag‘lub eta olmayapti.

Kecha Tiago Motta va Simone Indzagi jamoalari A Seriya 9-turida ochko bo‘lishdi – 4:4.

"Byankonerilar" so‘nggi bor "neradzurrilar"ni 2023 yilning mart oyida mag‘lub etgandi. O‘shandan beri "Inter" ikkita g‘alaba qozongan va yana uchta o‘yin durang bilan yakunlangan.

"Yuventus"ga qarshi 5 ta mag‘lubiyatsiz o‘yin - milanliklarning 1970 yillardan beri eng yaxshi seriyasi. 2003-2005 yillar oralig‘ida "Inter" turinliklarga 7 o‘yin davomida yutqazmagan, bir marta penaltilar seriyasida mag‘lub bo‘lgan.