Levandovski uchinchi urinishda buni uddaladi
Robert Levandovski myunxenliklar safini tark etganidan so‘ng ilk bor "Bavariya" darvozasiga gol urdi.
2014-2022 yillarda Myunxen klubida to‘p tepgan "Barselona" forvardi Chempionlar ligasi umumiy bosqichi 3-tur uchrashuvining 36-daqiqasida gol urdi. Levandovski qo‘llarini havoga ko‘tarib golni nishonlashdan bosh tortdi.
Bugun Levandovski "Barselona"ga o‘tganidan keyin sobiq jamoasiga qarshi 3-uchrashuvini o‘tkazdi. Avvalgi ikkita o‘yinda polshalik samarali harakat amalga oshirmagandt – 2022/23 yilgi mavsumda "Barselona" Chempionlar ligasi guruh bosqichida "Bavariya"ga ikki bor mag‘lub bo‘lgan (0:2, 0:3).
