YECHL tarixida bu holat ikkinchi marta sodir bo‘ldi

«Real Madrid» Dortmundning «Borussiya»siga (5:2) qarshi o‘yinda aql bovar qilmaydigan kambekni amalga oshirdi. 

Madrid Xtra xabariga ko‘ra, bu Chempionlar ligasi tarixida o‘yin davomida 0:2 hisobida mag‘lub bo‘layotgan jamoa 5:2 hisobida g‘alaba qozonishga muvaffaq bo‘lgan ikkinchi o‘yindir. Birinchi marta bu 2023 yilning fevralida sodir bo‘lgan - o‘shanda ham "Real Madrid" buni qilgan.

O‘shanda madridliklar «Enfild»da «Liverpul»ni mag‘lub etgan, 14-daqiqagacha ikki marta gol o‘tkazib yuborgan madridliklar yakunda bunga 5 marta javob berishgan.

O‘sha kuni Karim Benzema kabi Vinisius dubl qayd etdi, yana bir golni Eder Militao kiritgandi.