Emeri Tuxelning Angliyaga tayinlanishi haqida gapirdi
"Aston Villa" bosh murabbiyi Unai Emeri Tomas Tuxelning milliy terma jamoaga bosh murabbiy etib tayinlanishi haqidagi fikrlari bilan o‘rtoqlashdi.
“Tuxel ajoyib murabbiy. U turli mamlakatlarda katta tajribaga ega, u Chempionlar ligasida g‘olib chiqdi”, — dedi Emeri matbuot anjumanida jurnalistlarga.
“Men terma jamoa bilan ishlashga qiziqamanmi? Klubda ishlayotganimdan xursandman. Kelajakda terma jamoadan taklif bo‘lsa, ko‘rib chiqa olamanmi yoki yo‘qmi, bilmayman. Hozir bilmayman”, - deya qo‘shimcha qildi murabbiyi.
