Infantino: "Yaqinlashib kelayotgan Jahon chempionati eng zo‘ri bo‘ladi"
FIFA prezidenti Janni Infantino o‘zining rasmiy sahifasida mamlakatimiz mezbonlik qiladigan Futzal bo‘yicha FIFA Jahon chempionati ishtirokchilariga omad tiladi va bu Mundial eng zo‘ri bo‘lishiga ishonch bildirdi.
"O‘zbekistonda o‘tadigan FIFA Futzal Jahon chempionati boshlanishiga atigi to‘rt kun qoldi. Ushbu buyuk mamlakat ilk bor Markaziy Osiyoda tashkil etiladigan FIFA musobaqasiga mezbonlik qilmoqda.
Futzal bo‘yicha avvalgi Jahon chempionati ko‘plab esda qolarli o‘yinlar hamda voqealarga boy bo‘ldi.
Ishonchim komilki, yaqinlashib kelayotgan Jahon chempionati eng zo‘ri bo‘ladi. Ishtirokchi 24 jamoaga esa eng yaxshi tilaklarimni bildiraman va barchangiz bilan tez orada ko‘rishishni orziqib kutmoqdaman!", – dedi Infantino.
Manba: ufa.uz
