"Inter" ukrainalik futbolchi borasida muzokaralarni boshlab yuborgan

Londonning “Arsenal” klubining 27 yoshli vingeri Aleksandr Zinchenko jamoani tark etishi mumkin, deya xabar beradi Fotospor.

Manbaga ko‘ra, Zinchenkoni qo‘lga kiritish uchun asosiy da’vogarlar “Inter” va “Fenerbaxche” hisoblanadi.

Turk klubi Aleksandrning transferi bo‘yicha 35 million yevrolik taklif bilan chiqishga hozirlik ko‘rmoqda, "Inter" esa o‘z navbatida "kanonirlar" bilan transfer bo‘yicha muzokaralar jarayonini boshlab yuborgan.

"Fenerbaxche" Zinchenkoga taklif bildirishdan oldin "Inter" va "Arsenal" o‘rtasidagi muzokaralar natijasini kutmoqda.