"Monako" darvozaboni mag‘lubiyatga izoh berdi

“Monako” darvozaboni Filipp Kyon Fransiya Superkubogida “PSJ”dan uchralgan mag‘lubiyat (0:1) haqida fikr bildirdi. Shveysariyalik darvozabon 9 marta seyv amalga oshirdi, ammo bu uning qo‘shib berilgan vaqtda gol o‘tkazib yuborishiga to‘sqinlik qilmadi.

"Qo‘shimcha vaqtda diqqatimizni kuchaytirishimiz kerak. Bu mag‘lubiyatni qabul qilish qiyin, lekin bu futbol. E’tiborimizni chempionatga qaratish uchun ushbu uchrashuvdan unumli foydalanishimiz kerak", - deya Kyonning so‘zlarini keltiradi "Monako" matbuot xizmati.

Fransiya chempionatida “Monako” turnir jadvalida uchinchi o‘rinda bormoqda, peshqadam “PSJ”dan farq esa o‘n ochkoga teng.