Mbappe: "Dekabr men va "Real" uchun muhim oy bo‘ldi"

Madridning "Real" klubi hujumchisi Kilian Mbappe dekabr oyida jamoaning eng yaxshi futbolchisi deb topilgani haqida gapirdi.

"Menga ovoz bergan muxlislarga rahmat. Dekabr men uchun va butun jamoa uchun muhim oy bo‘ldi. Biz sovrin qo‘lga kiritdik, La Liganing ko‘plab o‘yinlari va Chempionlar ligasining muhim o‘yinida g‘alaba qozondik", - dedi Mbappe Madrid Xtra bilan suhbatda.

Dekabr oyida 26 yoshli fransiyalik hujumchi barcha musobaqalarda oltita uchrashuvda qatnashib, beshta gol urdi va ikkita golli uzatmani amalga oshirdi. "Real"ning navbatdagi o‘yini 6 yanvar kuni "Deportivo Minera"ga qarshi bo‘ladi. Ispaniya kubogining 1/16 final bosqichi o‘yini Toshkent vaqti bilan soat 23:00da boshlanadi.