Soboslai nima uchun "MYU"ga qarshi o‘ynamasligi ma’lum bo‘ldi

"Liverpul" yarim himoyachisi Dominik Soboslai Angliya chempionatining 20-turidan o‘rin olgan "Manchester Yunayted"ga qarshi o‘yinda jamoasining qaydnomasiga kiritilmadi.

Insayder Fabrisio Romanoning so‘zlariga ko‘ra, 24 yoshli Soboslai kasallik tufayli uchrashuvni o‘tkazib yuboradi. Aniqlik kiritilishicha, yarim himoyachi so‘nggi ikki kun davomida jamoa bilan mashg‘ulot o‘tkazmagan.

Joriy mavsumda Soboslai barcha turnirlarni hisobga olgan holda 24 ta uchrashuvda qatnashib, 3 ta gol urdi va 4 ta golli uzatmani amalga oshirdi.

"Liverpul" - "Manchester Yunayted" uchrashuvi Toshkent vaqti bilan soat 21:30da boshlanishi rejalashtirilgan.