Dyokeresh yilning eng yaxshi to‘purari uchun IFFHS mukofotini oldi

Lissabonning “Sporting” klubi hujumchisi Viktor Dyokeresh Xalqaro futbol tarixi va statistikasi federasiyasi (IFFHS) tomonidan 2024 yilning eng yaxshi to‘purari sovrinini qo‘lga kiritdi.

Forvard o‘tgan yili "Sporting" va Shvesiya terma jamoalari uchun 62 ta gol urdi. “Manchester Siti” a’zosi Erling Xoland undan 13 ta gol ortda qoldi. Norvegiyalik futbolchi 49 ta gol bilan 2-o‘rinni egalladi.

Kuchli uchlikka “Bavariya”dan Xarri Keyn yakun yasadi (46 gol).