"Barselona" nihoyat bu ishni uddaladi
Ispaniya La Ligasi "Barselona"ga yarim himoyachi Dani Olmoni mavsumning ikkinchi qismi uchun ro‘yxatdan o‘tkazishga ruxsat berdi, deb xabar beradi Kataloniya radiosi RAC1.
Avvalroq, La Liga va Ispaniya Qirollik futbol federasiyasi klub moliyaviy feyr-pley qoidalariga amal qilmagani uchun “Barselona” hujumchisi Dani Olmo va hujumchi Pau Viktorni ro‘yxatdan o‘tkazishdan bosh tortgandi.
Klub murakkab jarayondan o‘tishi kerak edi. La Liga 2025 yil 1 yanvarda Olmo va Viktorni liga futbolchilari ro‘yxatidan chiqarib tashladi. "Barselona" o‘z huquqlarini sud mexanizmlari orqali himoya qilmoqchi edi.
Biroq klub Dubay va Qatar investorlari bilan “Kamp Nou” stadionidagi VIP o‘rindiqlarni sotish bo‘yicha kelishuvlarning moliyaviy kafolatlarini tasdiqlovchi qo‘shimcha hujjatlarni taqdim etganidan keyin vaziyat o‘zgardi.
