Indzagi: "Superkubok biz uchun muhim"

"Inter" bosh murabbiyi Simone Indzagi "Atalanta" bilan Italiya Superkubogi yarim final uchrashuvidan oldingi fikrlari bilan o‘rtoqlashdi.

"Superkubok biz uchun katta ahamiyatga ega va biz uni yutib olishni istaymiz. Chempionatda ham, Chempionlar ligasida ham ajoyib natija ko‘rsatayotgan ikki jamoa to‘qnash keladi. “Atalanta”ning o‘tgan mavsumda Yevropa ligasida g‘alaba qozonishdan tashqari eng katta yutug‘i shundaki, ular uzoq yillar davomida eng yuqori saviyada o‘ynamoqda. "Atalanta" bilan barcha o‘yinlar kabi bu biz uchun juda qiyin o‘yin bo‘ladi.

Bu juda muhim turnir, biz so‘nggi uch yilda g‘alaba qozondik. Biz ajoyib o‘yin o‘tkazib, finalga chiqishni istaymiz, ammo qolgan uch jamoaning maqsadi “Inter” bilan bir xil ekanini bilamiz", - deydi Indzagi.

“Inter” – “Atalanta” uchrashuvi 2 yanvar kuni, Toshkent vaqti bilan soat 00:00da boshlanadi.