Adidas "Manchester Yunayted" bilan shartnomani bekor qilish huquqiga ega

Agar klub Premyer-ligadan tushib ketsa, Adidas "Manchester Yunayted" bilan shartnomasini bekor qilishi mumkin.

The Telegraph xabariga ko‘ra, kelishuv muqobil variantni ham o‘z ichiga oladi: agar klub oliy divizionda ishtirok etmasa, nemis kompaniyasi to‘lovlarni yarmiga - yiliga 90 million funtdan 45 milliongacha qisqartirish huquqiga ega.

2023 yilning iyulida "Manchester Yunayted" va Adidas 900 millionga shartnomani 10 yilga uzaytirishdi, avvalgi shartnomaga ko‘ra, klub 750 million olgan.

19 turdan so‘ng mankunianliklar APLda xavfli zonadan 7 ochko uzoqlikda 14-o‘rinni egallab turishibdi.