Grizmann kelajagi bo‘yicha qachon bir qarorga keladi?
Antuan Grizmann kelajagi haqida shu yilning bahorida qaror qabul qiladi.
Futbolchining "Atletiko" bilan amaldagi shartnomasi 2026 yilgacha mo‘ljallangan. «AS» xabariga ko‘ra, Grizmann mart oyi oxirida kelasi mavsum uchun rejalari haqida qaror qabul qiladi. U bu borada klub direktorlari bilan kelishib oldi. Ayni damda barcha e’tibor jamoaning natijalarga erishishda davom etishini ta’minlashga qaratilgan.
Qayd etilishicha, madridliklar forvardning har qanday qarorini hurmat qilish niyatida.
Fransiyalik futbolchi avvalroq MLSda o‘ynashni hohlashi va "Atletiko"dan ketganidan keyin Yevropada o‘ynamasligini aytgan edi.
