Vinisius yana bir nufuzli mukofotga sazovor bo‘ldi

"Real Madrid" va Braziliya terma jamoasining qanot hujumchisi Vinicius Junior 2024 yilning eng yaxshi ibero-amerikalik futbolchisi sovrinini qo‘lga kiritdi, deb xabar bermoqda Ispaniyaning EFE axborot agentligi.

Shunday qilib, Vinisius ushbu mukofotni ketma-ket uchinchi marta qo‘lga kiritdi.

Eslatib o‘tamiz, EFE 1990 yildan buyon Yevropa va Lotin Amerikasining ispan va portugal tillarida so‘zlashuvchi mamlakatlarining eng yaxshi futbolchisiga mukofot topshiradi. Ushbu yillar davomida mukofot boshqalar qatorida Roberto Karlos, Diyego Simeone, Ronaldo, Ronaldinyo, Lionel Messi va Krishtianu Ronalduga topshirildi.