"Arsenal" yangi darvozabon topdi

Ispaniyalik “Espanyol” darvozaboni Joan Garsiya “Arsenal”ning transferlar ro‘yxatiga qo‘shildi.

London klubi 23 yoshli ispaniyalik futbolchiga yozda ham qiziqish bildirgandi. Manba bergan xabarga ko‘ra, "Arsenal" Garsiyani kuzatib turibdi, ammo "Espanyol" o‘zining birinchi raqamidan voz kechish niyatida emas.

Qayd etilishicha, La Liga klubi 30 million yevro to‘lashni talab qilmoqda.

Joriy mavsumda Garsiya Ispaniya chempionatida 18ta o‘yin o‘tkazib, 30ta gol o‘tkazib yubordi va ikki bor o‘z darvozasi daxlsizligini saqlab qoldi.