"Barselona" Arauxoning "Yuventus"ga o‘tishiga yo‘l qo‘ymaydi

"Barselona" markaziy himoyachisi Ronald Arauxo "Yuventus"ga o‘tmaydi. Bu haqda Mundo Deportivo xabar bermoqda.

Oldinroq turinliklar 25 yoshli urugvaylik futbolchini yanvar oyida ijaraga olmoqchiligi haqida ma’lumotlar paydo bo‘lgandi. Manbaga ko‘ra, "Barselona" allaqachon "Yuventus"ga Arauxo bo‘yicha taklif ham kiritmasligi kerakligi haqida xabardor qilgan.

Himoyachi joriy mavsumda maydonda o‘ynamadi, chunki u dekabr oyining o‘rtalaridagina og‘ir jarohatdan qaytgan.