Konte: "Italiya futbolida evolyusiya bo‘ldi"

"Napoli" bosh murabbiyi Antonio Konte Italiya A Seriyasining hozirgi darajasi haqida o‘z fikrlari bilan o‘rtoqlashdi.

"Saviyamiz oshdi, Angliya ligasi bilan solishtirganda, bizda shiddatlilik yetishmasdi, bugun esa u ancha o‘sdi, menimcha, xorijdagidan ancha yaxshi taktikamiz ham bor. Murabbiylarda ham, futbolga qarashda ham ko‘p jihatlarda evolyusiya bo‘ldi, buni Yevropada ham ko‘rish mumkin edi. Italiya termasiga qarshi o‘ynash qiyin.

“Fiorentina” ketma-ket ikki finalda o‘ynadi, “Atalanta” Yevropa ligasida g‘alaba qozondi, “Inter” Chempionlar ligasi finalida o‘ynadi. Italiyaliklarga qarshilik ko‘rsatish har doim qiyin bo‘lgan, ammo bugun biz juda o‘sdik va bizning brendimiz dunyoda doimo muhim bo‘lib kelgan", - dedi Konte.