Subimendi Rodri tufayli "Siti"ga o‘tishni istamayapti

"Manchester Siti" Martin Subimendi va Bruno Gimarayshlarni sotib olishdan bosh tortishi mumkin.

Klub qishki transfer oynasida mustahkamlovchi sifatida yarim himoyachilarni ko‘rib chiqayotgani avvalroq xabar qilingandi.

The Times xabariga ko‘ra, "Siti" yanvar oyida jamoaga kamida bir nechta o‘yinchi qo‘shishga harakat qiladi, biroq har qanday transfer qisqa muddatli tuzatishlar emas, balki uzoq muddatda foydali bo‘lishi kerak.

Ular hali ham yarim himoyachi bilan shartnoma imzolamoqchi, ammo Martin Subimendi "Real Sosyedad"da qolishga qaror qildi, chunki u jarohatdan qaytganida Rodriga yo‘l ochishga majbur bo‘lishidan qo‘rqadi.

Bruno Gimarayshga kelsak, "shaharliklar" uning transferini juda qimmat deb hisoblamoqda. "Nyukasl" braziliyalikni deyarli 100 million funtga baholagan.